ಭಾವಾತಂಕ !!

ಮುಂಜಾವ ಮಂಜಿನಲಿ ಮಿಂದ,

ಬೆಂಗಾಡ ಬಿಸಿಲಿನಲಿ ಬೆಂದ,

ಸಂಜೆಯಾ ತಂಪಿನಲಿ ತೇಲಿರುವ ಭಾವಗಳೆ..

ಕಾಡದಿರಿ,ಬಾಡದಿರಿ, ರಾತ್ರಿಯಾಗಿಹುದೆಂದು.

ಮುಗ್ದತೆಯ ಮನಸಿನಲಿ ಮೂಡಿರುವ ನೀವು,

ದಗ್ದತೆಯ ಆಳವನು ಕೆದಕದಿರಿ ಇಂದು,

ಭಾಂದವ್ಯದ ಹೆಸರಿನಲಿ ಬಂದಿಸಿದ ಮನವೇ..

ತಣಿಸುವುದು ನಿಮ್ಮನ್ನು ಒಲವ ಧಾರೆಯ ಸುರಿದು.

ಹೊದೆಯಿರಿ ಬೆಚ್ಚನೆಯ ಭರವಸೆಯ ಹೊದಿಕೆ,

ಬೇಡ ನಿಮಗೆ ಇಂದೇ ಎಲ್ಲಾ ಸಾಧಿಸುವ ಬಯಕೆ,

ನಗುತಿಹನು ಚಂದ್ರಮನು..ನೋಡಿ ನಿಮ್ಮ ಅಸಹಾಯಕತೆ..

ಮಲಗಿ ಸುಮ್ಮನೆ,ಇರಲಿ ನಿಮ್ಮೊಳಗೆ ಆ ನಾಳೆಯಾಗುವದೆಂಬ ನಂಬಿಕೆ.